Luah loh di

Satu: Lalrindiki Khiangte (Daduhi)

Nunhlui liam hnu dawn kir changin,
Thinlai mu hnu a tho leh thin;
Ngai chung zela ka then hnu,
Ngaih lai reng ka bang thei lo.

Tang dang belin khiangawi chang mah ila,
Nang pawh zuapa chang tawh mahla;
Kan kara biahthu di zawng,
Nghilh thei hian ka mawi lo e.

Sakhmel tawn changin thinlai a thar,
I anka nem min ti hlim thin tu;
I nunze mawi ka thinlai luah tu,
Ka tan i hlui thei dawn lo.

Nang nen runhmun len a rem si lo,
Khuanu ruat loh a pawi ngei e;
An sawi pialral ram mawiah,
Runhmun kan leng dun mahna.

Lungdam te'n tuan zai rel tawh la,
Hlim te'n leng la Khuanu zarah;
I hlimna chu ka tan pawh hian,
Lawmna a chang zel dawn si.