19 Feb 2021

Inthen hnu kan intawk ang

Satu: Durtlang Kohhran Zaipawl (1993)

Damlai khawvel hi reiloteah a ral thuai dawn si,
Chumi hunah chuan Lalpa fakin kan zai rual leh ang;
Thenna ni kawlah a lo herchhuak leh si thin a,
Then lohna khawpui mawi chu, aw, ka ngai, ka ngai zual thin.

Mahse kan tum (Mahse kan tum ram mawi) van nuamah khian (Van in mawi nuamah khian),
Inthen hnute (Kan la intawk leh ang),
A ropui zia (a ropui leh mawizia),
Krustal lung ang (rangkachak nen), a mawizia chu (rangkachak kawngkhar mawi),
Sawisen rual loh chu (Kan la thleng ngei dawn si)
Lungduh kal hmasa (van in mawiah) leng zawng zawng nen (kan intawk ang)
Lalpa fakin (A ropuina) hlim leh lawm takin fakhla kan rem tawh ang (kan rem tawh ang)


Van Angelte leh Serafte'n zai an vawrna hmun chu,
Ka lung min len e kan Lal Isua lenna hmun mawi chu;
Nunna tui damten a luang chamdel e chu hmunah,
Then lohna khawpui mawi chu, aw, ka ngai, ka ngai zual thin.

Damchhung tawiteah kraws nunna kawng chu zawh zel ila,
Inthen tawh hnute Lalpa fakin kan zai rual leh ang;
Chhandamfate an zalenna hmun mawi nuamah chuan,
Hlim takin Lalpa fakin bang lo in kan zai tawh ang.

Kan Lal Isua chu kan tan hmunsiamin a kal mek e,
Vanah a lawnta leiah a lo kir leh thuai dawn si;
Chumi hunah chuan a mithianghlimte a lawr ang,
Hlim takin khawpuimawiah zaiin Lalpa kan fak ang.

SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: