4 Feb 2021

Kan thatna tur a hria

Phuahtu: Lalnunpuia Hrahsel
Satu: Stacy Punte


A mah lo in ka tlei thei lo tih ka hriat nan,
Harsatna ka tawrh a phal thin;
Beidawnna kawr ruam atanga,
Tanpuitu ka auh apiangin harsatna min pe tu,
Lalpa bawkin min khai chhuak leh si thin.

Aman engkimah min hria e,
Ka thatna tur min tih sak thin;
Ka nun theih nan a nunna hlan tu chuan,
Ka thatna turin engkimin min thawhsak thin.


Lungngawina dik lawmna famkim ka neih theih nan,
Ka innghahna min pheh sak thin;
Fa tak ka nih tih chhinchhiah nan,
Thununna pawh a lek bawk thin,
Chu hmunah chuan fa tak nihna hlut zia min hriat chhuah tir leh thin.

Lal duhawm zawk, nun duhawm zawk ka neih theih  nan,
Ka thangduang laiin min chhawk no thin;
Tlawmna saiip min sin tirin Krista mizia a lo lang thin,
A hman duh nun ka neih theih nan,
Engmah loah min chhuah fo thin.

He lei hi ka ram a ni lo tih ka hriat nan,
Channa ruamah min hnuk lut thin;
Van nun hlut zia ka hriat theih nan,
Lei lawmna te min pheh sak a,
Mahse, vanram duhawm leh thlakhlelh awmzia min hriat tir thin.


SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: