10 Feb 2021

Khawpuimawi

Phuahtu: Zokunga (Jk-a)
Thluk siamtu: HC Lalramchhani
Satu: HC Lalramchhani


He lei hrehawm ram cham chhungin,
Lungngaih, retheih, tah leh rumna ten min hual vel,
Chhumpui angin min chim pil fo thin,
Thlen hlan ka nghakhlel chu khawpuimawiah.

Aw, khawpuimawi, khawpuimawi ber,
Ka tlantu lenna khawpuimawi chu;
Thisena ka tana buatsaih a nih vangin,
Ka la thleng ve ngei ang hlim tawp lo in.


Ka khualzinna he thlalerah hian,
Tapin ka rum fo thin harsatna tawh changin;
Mahse, ka vui lo ka chhandamtu'n,
Khawpuimawi a buatsaih ka thlir changin.

Lungduh lenrual kal hmasate zawng ngaiin ka thlir,
Tawn hlan nghakin ka dawn vawng vawng;
Tahchuan chhandamtu faka zaiin,
Hlim tawp lo in an leng khawpuimawiah.

Aw, engtik nge maw ka thlen ve dawn,
Engtikah tak tawng ve i maw beramno chu;
Ka thlen hun chuan a angchhung nuamah,
Min lo lawm ve ngei ang khawpuimawiah.

SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: