Kraws fate kan buai lo

Satu: Vanlalzami

Kan khawvel thiamna te leh,
Finna lo sang zelah hian;
Kraws fate kan buai lo,
Pa huntiam ni a hnai ta
Inpeih rawh u ringtute u.

Nuclear bomb te lo hrangin,
Kan khawvel tawp hnai mahse;
Kraws fate kan buai lo,
Kan hlau lo Setan ral lian,
Kristaah kan nung tawh si.

Lalpa zawlneite hrilhlawk,
Hun lo thleng dik mekah hian;
Kraws fate kan buai lo,
Chatuan lalram a hnai ta,
Ringtute kan zalenna ram.

Indopui harmagedon,
Sakawlhpa pawh lo lang se,
Kraws fate kan zam lo,
Edenthar nuam a lang e,
Ringtute lawmin zai rawh u.

Hun khirh tak kara lengin,
Hrehawm tinreng tuar velin;
Kraws fate i kal zel ang,
Leiah rethei mah ila,
Vanah kan la ropui dawn si.