Ropuina Lal tan

Phuahtu: Lalthansanga Colney
Satu: Laltleipuii

Aw, nang, Lalpa mi, thuthlung thianghlim vanga serhtan,
Lalpa'n ka din thar leh ang che a ti;
Hlim lai lamna hmunah Pathian hmangaihna hmel tawng tur leh,
Van nun zir turin hnehna puanzar tar rawh le.

Hlau suh la, zam suh, Lalpa sawmna awmawi chhang turin,
Aw, kulh kawngka te u, in lu chung chawisang ula;
A ni, kawngkhar hlun te u, in khai sang rawh u,
Ropuina Lalpa hi a lo lut dawn a nia.

Lalpa kohhran ho sawihnawmtu leh seltu avang te,
Hringmi anka sawichhiat na vang hian;
Kan hnungtawlh ngai lo a, kan thinlung hi a hawikir ngai lo,
Thuthlung thianghlimah a derin kan nung ngai lo.

Tun damchhung ni leh hringnun khawsak lungkham buai lo in,
Krista kohhran kal lai kan chawl lo;
Mitin zinga mite luthin sanin awm thin mah ila,
Kan pheichheh tin rem hnehtu Lal tan kan ti e.

Khawvel ropuina, duhamna sual tinreng atang hian,
Lalpa kutin min chhanchhuak thei a ni;
Min chhanchhuak lo mahse, Baal hmaah kan kun ngai lo ang,
Van mi hringnun hmang, van khua leh tui kan ni e.

Tunge ropuina Lalpa chu?
Lalpa chak tak leh thiltithei, indonaa hnehtu a kha;
Chhandamna thuthlung thianghlim min siam sak tu a ni,
Amah lo chu Pathian dang reng reng kan nei lo,
Zion ram chhan nan darfeng palai kan ni e.