Siamtu kutchhuak

Satu: R Vanlalruati

Ni leh thla, arsi te,
Khawmual, tuifinriat nen;
Tlang leh mual, luikawr te,
Siamtu kutchhuak a ni.

Lalpa ropui zia chu,
Thilsiam tinrengah a lang;
Engkim kan hmuh theih zawng hi,
Siamtu kutchhuak a ni.

Van rang chhum leh romei,
Chhemdamthlifim leng vel;
Chungleng sirva zawng nen,
Siamtu kutchhuak a ni.

Nungcha tinreng mai leh,
Chhawl thing, siktui luang nen;
Mau, rua, thing leh parmawi,
Siamtu kutchhuak a ni.

Keini hringfa zawng pawh,
Siamtu kutchhuak kan ni;
Kan aw neih chhun zawng hian,
Siamtu i chawimawi ang.