Khawngaihna

Phuahtu: Sanglianthanga
Satu: Sanglianthanga (Crusader), PBK Liankhuma

Ani chuan kan thiltih angte ni lo vin,
Ama duhdan leh remruat ang zelin;
A fapaah chuan min lo chhandam si,
Aw, khawngaihna a va thuk em.

Mihring thiltihte hi chhinchhiah la,
Lalpa, tunge chhandam ni thei ang le, Aw Lalpa.

Hnathawk lo a Pathian pawh ngaihsak lo,
Thiamchantirtu ring zawka rinna chu;
Ama felnaah ruat a ni si a,
A va mak em, Lalpa hmangaihna chu.

Keimah lam ka han in en hian Lalpa,
Engmah reng hi hmuhtur a awm si lo;
Mahse, Krista lam chauh ka thlir let chuan,
Mifel famkimah min lo pawm leh si.

Mihring mithmuah tling lo mah ila,
Isua Kristna rinna avanga;
Lalpan fela min lo pawm ve chuanin,
Ka tan chu chu a tawk reng tawh a ni.

Krista aia thlan tur dang eng nge awm?
Krista aiawh zo reng reng an awm lo;
Ama'n min thlan tawh zawkna avangin,
Amah chauh chu ka ring lo thei si lo.