Lalhmeltha

Phuahtu: Rev. G.B Niropui Joute
Satu: Aizawl EFCI Choir

Khawvel lungngaih tahna ramah hian,
Aw, ka thlarau engah nge i lungngaih thin;
I Lal en rawh, a pui ang che,
Malsawm che a duh i Lalhmelthaa'n.

Hausa ka ni hmangaihtu zarah,
Khawvel sum leh pai a mawina zawng aiin;
Krista neia chantawk a lungawi hi,
Hausakna dik tak Lal duhdan a lo ni.

Khawvel mi te'n an neih loh rohlu,
Ka nunnain a zawm tawh Krista ngei chu;
Khawvel enah tlawm mah ila,
Vanah ro tha zawk neitu ka lo ni.

Lei ropuina, thiamna leh finna,
A mawinate chhuan tur reng ka nei si lo;
Mahse, Lalpa Krista zarah,
Chantawk a lungawi lo thei ka ni lo.

Krista hminga hrehawm kan tawrh hian,
Tuarna phenah nun hlimna thuruk a lang;
Khawvel mi te'n an hriat phak loh,
Kan tawrhna phenah malsawmna ka hmu.