7 Mar 2021

Lungawi zel ka ching tawh ang

Phuahtu: PBK Liankhuma
Satu: PBK Liankhuma, Thelma & Mimi


Lalpa min hruai danah hian lungawi zel ka ching tawh ang,
Lungawi lohna hi Krista min hlat tirtu a ni e;
Tisana leh chaklohna min siamtu a ni si,
Lungawi zel ka ching tawh ang, Krista Isuaah chuan.

Lalpa chunga lawmna chu ka chakna,
Thiltihtheihna leh huaisenna, innghahna;
Chu malsawmna chu chang zel thei turin,
Min hruainaah chuan ka lawm zel tawh ang.


Kristaa lungawina chu engmah reng hian a hen lo,
Sawichhuah thiam rual loh hian a nuamin thla a muang e;
Nun chhungril zungzam a fan, ka hlim em em a ni,
Ka lungawi zel tawh ang, Krista Isuaah chuan.

Khawvel ropuinate leh hausakna, hmingthanna hi,
Chapona leh Krista min hlat tirtu a ni e;
Krista hlata awm ai chuan chan zel pawh ka thlang zawk e,
Ka lungawi zel tawh ang, Krista Isuaah chuan.

SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: