7 Mar 2021

Nun thuhruk

Phuahtu: Lily Pari
Thluk siamtu: PBK Liankhuma
Satu: PBK Liankhuma


Ka tlantu hmangaihna ropui leh mak zia hi,
Beng hriatna mai chuan ka lo hre ve thin a;
Mahse, chhungril thleng phak si lo hianin,
Amah chu ka lo fak ve fo thin a.

Helleluiah! nun thuhruk ka chang ve ta,
Ka phu lo, ka phu mawlh lo e, Lalpa;
I hmangaihna ropui tawp nei lo chuan,
Lal Isuan tlingin min lo puang ta si.


Hming thar min vuahta e, "hmangaih" tiin min ko,
A faa vuahin ka lo awm ve ta;
Thianghlim thei lo chu thianghlim min vuahin,
A hlut zia tunge chhuichhuak thei awm maw.

"Tuma'n ka kut ata min chhuhsak tawh lo ang,"
Titu lei leh van lalber ka Pa a ni;
Amak em e, ka phu lo, a hlu em e,
Chi chhe thei lo lalfa piang ka nih hi.

Ka khualzinna ram ka chhuahsan hun chuanin,
Lak let ngei tur nun thuhruk kawltu tana;
Lalpa buatsaih Salem thar nuamah khian,
Chatuan, chatuanin ka leng tawh ang.

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: