Khuanu ruat loh

Phuahtu: Tetei Mizo
Thluk siamtu: Zawma (Jt. Production)
Satu: Zawma (Jt. Production)

Nang nena runhmun lendun hun thlirin,
Suangtuahnaah chuan midang an leng lo;
Mahse, rin loh karin hmelma an lo hrang a,
Mitkhap karin engkim a danglam leh ta.

Khuanu ruat loh zawng a har em a ni,
Ka kal ni khan min chelh dawn 'maw ka ti a;
Mahse, min chelh zai i rel duh si lo,
Min kohkir beiseiin ka nghak reng a,
Duhthusam mai maw ka chan tawk lo ni.

Engkim mai hi keimah vang lo ni,
Thinlung chaponain min thunun a;
Kha hun kha kohkir theih ni se la ka kal lo tur,
Se bo hnua se kawngkhar a sawt tawh si lo.

Kumkhua atana ka thlahthlam hnu pawhin,
Ka thinlung hian a pawm thei si lo;
Engtikah emaw chuan i let leh ringin,
Beiseina nen nitin ka thlir reng che.