Di ruk

Phuahtu: Rebecca Lalnunpuii (Manuni)
Satu: Jaui

A riang lungmawl duhaisam turin maw i lo pian le?
Ka dawn thin che zan mu chhing lo te'n;
Sirah min hnawl chuan ka tuar zo lo'ng e,
Aw hmeltha, ka tan par ang vul ve mai la.

A sakhmelah dar tui tha mi a luang bik em ni le?
A zunzamin kham hrui iang min phuar,
Lengdang tan chuan ka phal thei mawlh lo che,
Aw hmeltha, ka tan par ang vul ve mai la.

Ka dawn lungruk a buai zo engdang reng ka dawn thei lo,
Thasensiar nuimawite nang vang hian,
Tha lengdang zawng chu sirah hnawl zel la,
Aw hmeltha, ka tan par ang vul ve mai la,
Aw hmeltha, ka tan par ang vul ve mai la.