Phuahtu: C Lalzarmawia
Satu: Stacy Punte
Ka lungngaihna hrethiam turin,
Gesmaniah i lungngai a;
Hei hian min hnem leh thin e,
Thinlaia nat niah lungmuangtein ka lo awm leh thin.
Ranthlengah maw an zalh che,
Kraws lerah maw an khai che;
Ka chhandamtu ka Lal i ni si maw,
Kei zawng ka chhuang zel dawn che,
Kei zawng ka iai phal lo che,
Tlawm lua mah la ka Lal duhawm i ni.
Chakna awm lo Mosiaah chuan,
Mahse, Lalpa i awmpui a;
Thiltihtheihna leh chakna a thuam a nih kha,
Ka hmachhuan nangmah chauh i ni e.
Thiam kan chan nan thiam loh i chang,
Nun kan neih nan thlan thim i pan;
Ka tan i tuar, i tan eng ka tuar ve lo maw,
Mahse maw, i lam ka tang ve e.
29 May 2021
SHARE
Author: Four Brothers' Mizo lyrics verified_user
The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India
0 comments: