20 Jul 2021

Chhantu ka ngai

Phuahtu: Vanlalsailova
Satu: Vanlalsailova


Famkim lohna ram khawvelah,
Ka hringnunin a chhuikir thin a;
Sulhnu leh nunhlui ngaihna ten,
Min bosan reng an tum si lo,
Min vur lua e i malsawmten,
Khawvel nawm hrephak ve turin,
Sual Setanan ka hringnun tan,
Doral lian thlemna a rawn hmang e,
Lairilan, aw, a thar leh thin.

Chhantu ka ngai, puitu ka ngai,
An hrang lua e thlemna thlipui;
Min kai rawh, aw, Thlarau Thianghlim,
Chak lohna phuar vel i fa hi,
A har ngei e, aw, ka tan reng hian,
Min puih loh chuan ka hneh zo lo'ng e.

Hawikirin sualna bumna hnuaiah,
Ka hringnun hi a nawm leh theih nan;
Theihtawpin ka lei taksa hian,
Khawvel chu chen leh mah ila,
Nunkhaw nawmna reng ka hmu lo'ng,
Hmuhsit leh sawichhiat mai loh chu,
Ka bo tawh loh nan, aw, min kai la,
Ka kawng hruaitu lo ni zel langin,
Van thlen thlengin min hruai ang che.


Isu, aw, i ram eng nuamah,
Muangten ka lo len ve theih nan;
He ka lei ropuina zawngte,
Chawimawi, rosum leh hmingthanna,
Min vur zawngte i ke bulah,
Kunin i tan ka rawn hlan e,
Reilotea atana nawm ai chuan,
Tap chunga i hniakhnung rawn zuiin,
Nunna kraws kawng ka thlang zawk e.


SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: