I nung reng zawk a ni

Phuahtu: Cobtea nu
Satu: Stacy Punte

A sakhming pawha kan koh phal loh ka duat,
Lei hringnun pela min liamsan ni khan;
Lunglam vaiin hrilh ka hai lua e,
Ka lo dawn phal ngai lo nang then tur hian.

Theih chang se chelh dingin banah ka vuan mai tur,
Kan cho rual loh thihna nunrawng chuanin;
I banah kaiin a liampui si che a maw,
Ka ngai kan au che min chhang ta che.

Khuareiin a hnem an lo ti maw fam ngaih,
Ka tan zawng khuarei awm thei hian ka ring lo;
I hlim lai nite mitthlaah a cham reng e,
I nung reng zawk a ni kan thinlungah hian.

Lalpan a tlante tan min tiam van khawpui mawi,
Chutah hlim tawp ni reng a awm ve ngai lo;
Lal Krista zarah i chan ropui zia ka dawnin,
Ka tah lai bangin lawmna thar min siam thin.