Sin thuah chakin

Phuahtu: Zorammawia (The Rock-a)
Satu: Krista Chhanchhuah te

Hmelma hlun ber thihna chu,
Hmangaihna krawsah a kin ta;
Mitthi khaw kulh hnehna chu,
Krista zarah ka ta a ni.

A thihna ka thih vangin,
Ka nunna chu Krista a ni;
Tisa thihna ramah hian,
Ka nun Krista a lo vul a.

He tawih thei hi lo ral mahse,
Tawih thei lo nun min sin tir a;
Sin thuah chakin ka rum a ni.

Ka chenna lei in hi thiat mahsela,
Kuta sak loh in ka nei asin;
Ka hringnun hrehawmna te hian,
Ka van in mawi min ngaih tir e.

Lei taksa hi awngrawp mahse,
Ka chhungril nun min siamthar a;
Ka lei taksa a ral hunin,
Van puan sinin ka leng tawh ang.