Ka tlang thianghlimah chuan

Phuahtu: Rev. Dr. Vanlalchhawna Khiangte
Satu: Vanlalzami, Daisy Lalbiaknungi, Rebek Lalruatfeli

Riangvai leh saltangte hnena chanchin lawmawm,
Van ropuina kalsana min zawngtu;
Misual nung tlak lo tan nun petu Lal Isua,
Thlamuanna aw mawi a lo ri.

Ka tlang thianghlimah chuan an ti na tawh ngai lovang,
Chinghnia leh beramno chu lungrualin;
Bawngpa leh sakeibaknei pawh angkhata leng zain,
Lungawi lohna reng reng a awm tawh lo.

Zion fa lungngaia rum zawng zawngte hnenah,
Thuhnuairawlh leh thinlung lungchhia te hnenah;
Hlimna hriak leh parthi, fakna silhfen te nen,
Chatuan atan ka pe dawn a ni.

Berampu rinawm loh beramte hmangaih lo chu,
An sual vangin an hnenah ka inlar ang;
Ka hmangaih beram te chu ka hruai khawm leh ang a,
Hmangaihtu beram pu ka pe ang.

Ringtute u kan thinlung hmunsang zawngte hi,
Kan Pathian tlang thianghlim i chantir ang;
Hmangaihtu Lal Krista chu chawimawi a awm a,
Nunna thing Lalpa phun kan nih theih nan.