19 Jul 2021

Khawpui mawiah

Phuahtu: C Thanfianga
Satu: Esther Hnamte


Sual chhumpui hianin min tuam vel,
Hringnun piah ram ka ngai e;
Aw chutah ka thla a lawi thin,
Khawpui thar ka ngai em che.

Angel var nena lengzain,
Lal fak zai kan rem hun chuan;
Chutah ka tah mittui zawng zawng,
A hul ang, khawpui mawiah khian.


Lungngaih buaina piah ram mawi saw,
Ngaiin ka thlir bang thei lo;
Ka lei taksa hian min dal si,
Min kai rawh ka Lal Isu.

Lung min len chu ram ka thlirin,
Hmangaih tlansate lenna;
Ka lei hringnun a ral hunin,
Chutah ka chawl hlen tawh ang.

Ka lei taksa hi lo chauin,
Zanthim lungngaih thleng mahse;
Hmangaih khawpui mawi thlen hunin,
Ka Lalpan min lo lawm ang.

SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: