Pawnto hla

Phuahtu: V.L Ngaihdama Chhangte
Satu: Marina Vanhriatpuii Varte

Kan naupanlai kan tet lai kha chuan e,
Zan thla eng hnuaiah kan pawnto thina;
"Tir a mei kai, sakhi uilut, uilut e," tiin,
Lal lo kawng ka kian ngai lo, pang aw in zial, in zial.

Darkawlchhunchheka, amah Darkawlchhunchheka,
Zawnga leihlawn dim diam,
Chhim zawng leihlawn, zawngchal leihlawn,
Zawnga leihlawn dim diam.

"Kha lai thing tuk ri kauh kauh kha tu nge ni?
Keimah sanghalhriama pa" tia inchhawnin;
Inbuanah leh insualah te in cho fiam velin,
"Savawm bu ka luah, ka luah, a bu zawlah zan sawmthum ka riah" tiin.

Zan khua lo tlai tinzai rel lo hun chuan,
In kutsuih kualin tin hla kan sa a;
"Tin dialah, tin dialah, naktukah khuavar sela,
Inkawm leh dial dial ang u, mahni in lam hawi theuhah."

Ka ngai mang e, kan naupanlai te kha,
Dinthar leh theih hian a mawi tawh si lo;
Khuarei changin kumsul tam an lo ve ta si a,
Then leh rual hlui zawng te pawh tuanna tlang dang a zo ta.