19 Jul 2021

Thal favang kawl eng leh turnipui hi

 Phuahtu: Damhauva

Satu: Marina Vanhriatpuii Varte

Thal favang kawl eng leh turnipui hi,
Lawm an tam ngei lelthang zai mawi ten zun zai lo sa;
Lungleng chuang leltepan lenbuang zar a awi e,
Thlang kawrnu leng nen sen nau ang kan tap e,
Sen nau ang kan tap e,
Lungleng chuang leltepan lenbuang zar a awi e,
Thlang kawrnu leng nen sen nau ang tap e.

Hawi vel ila partin an vul siau e,
Chatuan romei pipu zun leng ngai zam zodaiah,
Tukram lentu a kai chiai e chhaktiang daiah,
Tuahpui vau kan zem thinlai a zing riai e,
Thinlai a zing riai e,
Tukram lentu a kai chiai e, chhaktiang daiah,
Tuahpui vau kan zem thinlai a zing riai e.

Favang nieng tlaitla a mawi ti u,
Zankhua a thiang thlasik kawng chung siar pawl riai e;
Chhawrthlapui khian kan vang khaw zawl a eng riai e,
Tleitir leng naunawn hrinhniang laitual lenna,
Hrinhniang laitual lenna,
Chhawrthlapui khian kan vang khaw zawl a eng riai e,
Tleitir leng naunawn hrinhniang laitual lenna.


SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: