Simna tel lo piantharna

Phuahtu: Vanlalsailova
Satu: Vanlalsailova

Lungngaia kuna chhingmittui fara zahngaihna dil tute,
Chhan chakin a thlir, i aw a ngaithla, eng nge i sawi thin le?
Sual vanga mualpho hlauhthawn avanga humhim i dil thin em?
A chhan che ring suh Juda kha thlir mai rawh.

Simna tel lo pianthar a tawk lo ve,
Kraws thleng lo va nun chan ten chhandam an hlawh si lo;
Sual haw lo, mualpho hlau mai ringtu chu,
Tih boralin an la awm dawn e.

I tuarna zawng leh i lungngaihnate Krista vang a ni em?
I tisa duhthlanna hruaina vanga lungngai em ni i nih?
I buaina chinfel pui tur atan chauh Isua i duh thin em?
Ani chuan lenpui atan a duh che.

Thlarau va bultan tisa a zo vin Lal rawng i bawl em le?
I kal thui zela i thiltih hmangin chhandam i intum a;
I hriatna, thiamna zawngte hmachhuanin Lal thu i sawi thin em?
I mualpho na zawkah Lal a lo mawi ang.