Satu: Marina Vanhriatpuii Varte
Zingtian bawarin a tho lawm ni, a tho che lawm ni ?
Liandang hraichawi zingsumsu khua i tlai e,
I pho dawn em ni le thlawitenalin?
Thlawinalin, thlawitenalin,
Liandang hraichawi zingsumsu;
Khua i tlai e, i pho dawn emni le thlawitenalin?
Ngura i piang lo a pawi ber mai thlawitenali,
Phai tlang turni romei zing ri riai hnuaiah,
Chhawl ang i uai tur chu thlawitenali.
Thlawinali, thlawitenali,
Phai tlang turni romei zing ri riai hnuaiah,
Chhawl ang i uai tur chu thlawitenali.
A nun lerh vang em ni thlawinali, thlawitenali,
Mahni tlansa ziaam feng duh lo siali,
Dawrkai fen dum riak a feng tle ziar e.
Tle ziar e, feng tle ziar e,
Mahni tlansa ziaam feng duh lo siali,
Dawrkai fen dum riak a feng tle ziar e.
Dawrkai fen dum chu a ning leh ta, a ning ta der e,
A feng leh dawn kawkpuizikzial lenbuangthuam,
A inpal chan buai e Thlawitenali.
Thlawinali, thlawitenali,
A feng leh dawn kawkpuizikzial lenbuangthuam,
A inpal chan buai e Thlawitenali.
Nuthlawi inchei ve la bual fai rawh, in bual fai rawh,
Ka chung thlawh mu a hrang ar la ang hianin,
Ka hel, ka hel ang che thlawitenali.
Thlawinali, thlawitenali,
Ka chung thlawh mu a hrang ar la ang hianin,
Ka hel, ka hel ang che thlawitenali.
-----------------------------------
THLAWITENALI ZAI
Zingtian baw-arin a tho lawm ni, a tho che lawm ni ?
Liandang hraichawi zingsumsu khua i tlai e,
I pho dawn em ni le Thlawitenalin ?
Thiani tlak bengbeh ka ning em e, ka ning ta em e,
Kamding val beisei min min tih ka hlau e,
Ka thlah zim ngam love Thlawitenalin.
Ngurah i piang lo a pawi em e Thlawitenali,
Phaitlang turni romei zing ri riai hnuaiah,
Chhawl ang i uai tur chu Thlawitenali.
Nuthlawi inchei ve la bual fai rawh, inbual fai ve rawh,
Ka chung thlohmu a hrang ar la ang hianin,
Ka hel ka hel ang che Thlawitenali.
Khute ka lunglenna Thlawinali Thlawitenali,
Amah tein a vai e Zawlkhaw daiah,
Chapel run a leng lo Thlawitenali.
A nun her vangah I ngai ang aw Thlawitenali,
Mahni thlansa ziaam feng duh lo siali,
Dawrkai fen dum riak a feng tle ziar e.
Dawrkai fen dum chu a ning leh ta, a ning ta der e,
A feng leh dawn kawkpuizikzial lenbuangthuam,
A inpal chan buai e Thlawitenali.
Lalber Eduaran a zir chhuak e,
Tleitir sakhming a leng dawn lo kumin chu,
Nuthlawi kum her chhuak a lo ni e.
Ram nit la seng lo a rorel tur,
A pawi mang e nuthlawi lengleh annemin,
Haulai changsial ang a zawl thlu e.
An rel thiam leh zel mingo valin,
Lei lal Crown leh nuthlawi an buk leh dawn e,
Nuthlawi a kang lo a pawi ber mai.
Chung kawlngo iangin ka lo leng a,
Ka thlang thin che dawntuai thar leng zawng aiin,
Enchimloh mi chun I chang tawh hnu.
Thlawinalin lunglen a tuar zo lo,
A hraite chawi dam nan a ti e Sialin,
Quinine mum sawmin a lo mar e.
Thiana tuarharpui i vei ve maw?
Nuthlawi zun chu namen a ni hlei nem le,
Lalber Eduara pawh a tlawm der e.
0 comments: