19 Jul 2021

Kan hawikir leh tawh lawng

Phuahtu: Upa Sanglianthanga
Satu: Phuldungsei Pastor Bial Zaipawl (2019 - 2021)


Rinnaa kal zelin hawikir tawh lo vin,
Kal hmasaten min thlir reng e, van atang khian;
An hnen kan thlen ve hun aw, an nghakhlel e,
Tlan zel turin min ko khi ram mawi atang khian.

Kan nunna tura kan tlan mek lai hian,
Hnung lama thil awmte chu theihnghilh zelin;
Sodom phaizawlah hian ding khawmuang lo vin,
Kan chhuahsan ram ngaiin kan hawi kir leh tawh lo'ng.


Tunah hian lungngaiin rum thin mah ila,
Chhantu reng reng nei lo angin awm mah ila;
Thlarau thianghlim chuanin min hruai zel ang a,
Rinna thlate zarin aw, thlemna kan ngam zel ang.

Thih thlenga rinawm ten nunna lallukhum,
An khum tawh ang ropui takin an leng tawh ang;
Chu ram ropui tak chu kan thlen ve theih nan,
Ka kawng thim takah hian ka eng i ni Lalpa.

Hnung lama thil awmte chu theihnghilh zelin,
Hma lama thil awm banin kan um zel ang a;
Kan Lalpa min koh chhan lawmman hmu turin,
Tiam chin lam pan zel ang Lalpa chakna ringin.

SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: