1 Jul 2021

Thuro angin ka thlawk ang

Phuahtu: R. Lalduhthanga
Satu: T. Lalengzauva, Stacy Punte


Anchhedawng khawvel ka vahvaihna,
Hlimna reng hi aw a awm thei si lova;
Sual bumna vangin maw Lungngaiin ka rum,
Ti hian ka dawn ka dawn vel thin.

Thuro anga thla neih ka va duh em,
Chungtiangah thla zarin ka thlawk ang a;
Thlemna tuifawnte chimphak lovin,
Thlamuang takin ka leng del del tura.

Ka thlarau nun hlima a lawmlai chuan,
Hmangaihtu an tam chhiarsen rual an ni lo;
Mahse sual thim zingah chauvin ka rum,
Hmangaihtu reng ka hmu zo ta lo.

Ka lungngaih mittui chu a chhun a zanin,
Ka biangah hian hul ni reng a awm lo;
Hmangaihtu zawngin ka van ruai ruai a,
Chhantu ngaiin ka rum vawng vawng.

Thim hnuai aŠĻ≠angin Lalpa chu ka auva,
Ani chuan ka aw hriain min lo chhang a;
A hmangaihna kutin min lo kuangkuaha,
Ka bosan tawh lo'ng sual thim zingah.

Thuro angin thlain ka thlawk ang a,
Mu ang a thlazarin ka leng ang a;
Thlemna tuifawnten min chim mahse,
Thlamuang takin ka leng del del tawh ang.

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: