Zing thla zarin han leng ila

Phuahtu: C. Thangkhuma
Satu: One in Christ

Zing thla zarin han leng ila,
Chung lam Jerusalem thar mawiah;
Ka rumna ram ka ngai tawh lo'ng,
Lungduhte nen kan leng za ang.

Tah chuan an leng e, tlan sate,
Lei hringnun hi an ngai tawh lo'ng;
Chatuan hlim tawp lohna ramah,
Inkhawmpui an tiak tawh ngai lo.

Zan a awm lo khawpui mawiah,
Ni eng leh khawnvar angai tawh lo;
Beram no chu a eng reng fo,
Inkhawmpui tiak tawh lohnaah chuan.

Riltam, tuihal, kebai leh nat,
A awm tawh lo'ng chu khawpui mawiah;
Lungngaih a reh, thimna a bo,
Inkhawmpui tiak tawh lohnaah chuan.

Beramno Lalthutphah hmaah,
Fakna hla sain kei ngei pawh hi;
Aw, ka la han chawl ve ang a,
Inkhawmpui kan tiak leh tawh lo vang.