Ka thlang ber che

Phuahtu: Rebecca Saimawii
Satu: Rebecca Saimawii, Jaui

Aw, ka thinlai hnemtu kei ka tan lunglawmna,
Mi u, lem ang min der lo la;
Aw, kan intawn ni ka nghilh lo'ng, damchhungin,
Nang ang lung min dumtu hi.

"Lengdang sirah hnawlin nang ka thlang ber che",
Tiin min hlan biahthu di damte'n;
Runhmun lendun zawng a rem dawn silo,
I zun ngaiin luaithli ka nul leh thin.

Khuarei pawh chang se kei a riang thinlaiah,
A hluilo nangnen kan hlim lai ni;
Lengdang pawm chungin riahrun pawh rem mah la,
Lawm zel na'ng e chantawk ah oh...

Zantlainem ah mahte'n ka han dawn thin a,
Ka tawng lo'ng nang ang hmangaih hi.

Aw, ka thinlaiah par ang i vul zel si,
Nang ngaih reng ka bang theilo;
Zantiang tawnmangah hmangaih biahthu di,
Hlan dun zel ang damchhungin.