Lungrun ka dem lo che

Phuahtu: Ngurthansanga Sailo (Lunglawn, Lunglei)
Thluk siamtu: C. Lalthazuala
Satu: Lalrindiki Khiangte (Daduhi)

Lungrun, ka dem lo che, ka dem mawlh lo che,
Ka ringhlel lo, hmangaih biahthu min hlan hi;
Mahse...

Ka tang beia lungrun, kumkhuain i tan,
Tia biahthu min hlan lai khan,
Rairah ka rianna khua tisei tura'n,
Ka ring mawlh lo, tiamthu thamrala'n.

Zingtian tawnmangah chauh maw,
Ka tangah beia biahthu min hlan tak le?
Lenrualte lunglai ka dawn zo lo, Lalte,
A na em e, ka chan, dam ni awm ang maw!

Chungthang ruat loh di nge, chun ruat loh di?
Phu loh leng ka tawng em ni zawk?
Duhlai hriatthiam a va han har em ve le,
Zun ngaih ban nan kumsul liam thuai se.

Zun phur chung hian ka dil zawk na'ng e Khuanu,
Chinlai damna, lungsi a bel a;
Malsawmna nen indi-a hringnun kalsiam,
Chhiar i thiam theih nan, hmangaih, aw duhlai.

Lo eng leh thin mah se thangvana chhawrthla khi,
Nunhlui hnutiang chhawnin kal lai ka rel ta'ng e,
Mangtha...aw...Mangtha.

(He hla thu kan rawn tarchhuah hi a phuahtu Pu Ngura'n a phuah dan dik tak anga tarlan a ni)