Hraichawi

Phuahtu: F. Lalthanliana
Thluk siamtu: Joseph Zokunga
Satu: Vanlalruati, Mary Lalmuanpuii Hnamte, Ruatpuii, Lalduhsaki

Khuanu leng malsawm rengin,
Sen nau ang i lo pianga;
Mahse, par ang lawmlai ni
A tawi lua e aw, bawihte.

Zanril hai ang lo thangin,
Kan thlehnem puan ka chul a;
Hrilh ka hai khawnge i awm,
Biangah mittui a luang e.

Aw, ka hraichawite, ka duat bawihte,
A rei lo em e, i vullai ni;
Chun leh zua hrilh kan hai thlawn mang e,
Tuan tul reng kan dawn thei lo.

Theih zawng chang se i chunnu'n,
Duat ten tangah chawi che in;
Ka awm nghengin hnuntui thlumte,
Ka hlan nang che, aw, bei hle hle.

An sawi thang van run nuamah,
Min lo hmuak la rauthlain;
I chun leh zua, unaute nen,
Hlim ten tawn leh ka nuam che.