Hringnun par vul lai

Phuahtu: Lalsangzuali Sailo
Satu: TBC Zaithanpuia

Chhum rei lotea lo langa ral leh ang mai,
Kan nunna hi hmangaih tlak a awm lo ve;
Khawvel leh a chhunga thil awm zawngte pawh hi,
Hlun tur reng an awm lo, an boral mek e.

Hringnun par vul lai a tawi mang e,
Dam chhung kum hi thawnthu angin a tawp thin;
A reina chu thawhrimna, lungngaihna, hrehawmna mai,
Kan damchhung nite chhiar dan min hrilh rawh.

Pangpar anga rei lo tea chuai kan nun hi,
Khawvel bua chhumpui zing hnuaia lengte hi;
Chhandamtu Lalpa i tel lo chuan khawvelah,
Lawmna kim, lungawina leh hlimna awm lo.

Hlobet par ang mai, kan ropuinate hi zawng,
Hlobet chu a vuai, a par chu a tla thin;
Pathian thu erawh chatuanin a awm reng dawn,
Chatuan daih nunna petu fakin awm se.