Hrinhniang an liamna thlafam khua chu e

Phuahtu: Saihnuna
Satu: F Lalzamliani, H. Lalchawimawii

Hrinhniang an liamna thlafam khua chu e,
Ka thlir ngam lo hawilopar thliaka;
Lungloh tui an dawn tur ka ngaingam lo ve.

Ar ang kan vai i chun leh zua hi,
Kan hawi ngam lo lenrualte hnenah;
Hraichawi an leng lo e, khua a har mang e.

Chun leh zua lo vin engtin awm ang maw,
Zing khaw eng, zanthim khawtlaiah hian;
Kei ka nau chun lo chuan tlei ka ring lo ve.

Khawvel chhim leh hmar ram fang mah ila,
Bawihte, nang nen kan lawina run hi;
Thinlai ti riang lung ti leng an chang ta e.

Chatuan Elsadai vangkhaw tual nuam chu,
Hmuh ka nuam dawntuai par an vulna;
Rianghleite chun ngai lo va an leng tur chu.