I lam kan lo hawi e

Phuahtu: C. Lalzarmawia
Satu: Jonathan Lianhna

Aw Lalpa, i lam kan lo hawi,
Nangmah lam chauh kan rawn thlir e;
Kan ram hi a rum a ni,
Hlau leh khurin kan awm e,
Aw Lalpa, nangmah chauh kan beisei e.

Hawi lam tur reng hre lo hianin,
I lam hawiin ban kan phar e;
Belh tur reng hi, aw, kan nei mawlh si lo,
Kan hawi e, aw Lalpa, i lam kan hawi.

I zawnchhuah nih kan hlut zo lo,
Kan zah zo lo min thawhsak hi;
Kan lo hliam tawh thin che a,
Peng bo tawh nimah ila,
Aw Lalpa, i lam kan lo hawi leh e.

I duhber nang kan hnaih zel hi,
I duhber nang kan belh fo hi;
Nang kan hnaih nan kawng i ruat,
Kan hrethiam phak lo fo thin,
Tunah chuan nang hlat hi kan ngam tawh lo.