1 Sept 2021

I tan ka hlan

Phuahtu: Lianchungnunga
Satu: Vanlalrohlui (Duati)


Hmangaihtu ka Lal Isu ka zinna khawvelah hian,
Thlemna tuifawnten min chim buai thin;
Keimah mai chuan ka kal thiam lo,
Tanpuitu Lalpa ka ngai em che.

Ka tawngtaina ngaithlain ka nun chau rethei tak hi,
Thlarau thianghlimin dinthar leh la;
Chakna thar ka neih leh theih nan,
Ka nun hi Lalpa siamthar leh rawh.

I tel lo chuan ka kal thiam lo,
Ka buaina ram thlalerah hian;
Ka nun ram a chau thin a,
I kraws hlim hnuaiah min hruai leh rawh.


Chhandamtu ka Lal duhawm i duhzawng nunkawng dik chu,
Thlarau thianghlimin min zirtir la;
I rawng chauh bawla nung turin,
Ka nun hi Lalpa min hruai ang che.

Khawvel nawmsakna umin ka hawikir leh tawh lo'ng e,
I duhzawng tiin rawngbawl ka duh;
I duh anga hmang zel turin,
Ka nun hi Lalpa i tan ka hlan.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: