Ka lo zin leh thuai dawn

Phuahtu: Lalduhawma Chhangte

Satu: Lalkima Zote, TBC Lalsanglura

Chhingkhual cham chhung tawiteah maw kan lo intawn,
Ka tawn tawh lanu zawng ka han dawnkir thin a;
Bawihte nang ema ka lung ti leng tu hi,
Ka damchhung ni zawng hian ka tawng tawh dawn em ni?

Aw, in vangkhaw tual nuam kan fan dun laite kha,
Mitthlaan a cham reng mi han ngai ve che maw;
Tia ka dawn laiin i thaikawi bawngte chuan,
Ti hian mi rawn zawt maw ka thinlung ngaihtuah ram.

Tawn loh chhingkhual bawihte,
Kei vanga awmkhawhar nemte'n lo tuar tawh la;
Nang ngai hian e, keipawh ka lung a van leng em,
Thlamuang takin awm la, in vangkhawpui ngeiah,
I sakhmel tawng tur hian ka lo zin leh thuai dawn.

Ka lenrualte pawn e, hmuh an chak che asin,
"A van hmeltha" an ti, i hlimthla an thlirin;
"In lenna tlangte chu la dang rih mahse e,
Kumtluang nuthai atan nei ngei rawh aw" min ti.

Aw, hun leh nite chu rial ang ral thuai sela,
Chutin bawihte, nang nen tawnni her thuai sela;
Ka tan chauh rinawmin lo awm phawt mai teh,
Chhingkhualah zawng thinlai a phang hma ania aw.