5 Sept 2021

Thangnunnem

Satu: TBC Lalsanglura

Suihlung a leng vawng vawng,
Di sakhmel tawn loh zawng a na e, kei ka tuar an lunglen,
Nghilh ni reng hi ka nei si lo che thinlaian,
Nang ngai hian luaithli ka nul leh thin.

Ka ngai che, aw, ka ngai em a che,
I tel lo chuan rairah riang tan hian;
Tuk tha reng hi a awm thei dawn nem le bawihmam,
Aw, ka ngai em che di thangnunnem.


Aw, a na e ka di nang ngaih suihlunglen hi,
Sawi thiam a har, hril thiam a har ngei;
I ankanem dam diai ka lunglai hnem thin tu,
A cham reng, aw, ka thinlaiah hian.

Tiang reng renga e damlai hringnun hman reng zawng,
Ka zuam lo, ka zuam hlawl lo ka di;
Runhmunah hlimten nang nen fanau chawi turin,
Hlimten len dun zai i rel ve ang.

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: