Phuahtu: Zaii Hauchhum
Satu: Zaii Hauchhum
Hmanah ka u Liandova kha,
Chun, zua tel lo va min chawi tlei tu;
Ka ram tuan pui ka u kha,
Hmana ka u Liandova kha,
Ka ngai thin a chhun rawl a tam niin,
A zual thin e zing zin haw niin.
Liando te unau, unau,
Dar ze nge in tum, in tum?
Dar zeng mah kan tum lo ve,
Ka u Liandova darkhuang an vua e.
Hmana ka u Liandova kha,
Val lai pawh a tawng lo khuavelin;
Ka zir thiam ve nana ramtuan thin kha,
Chun chawi loh rawlthar ka u kha,
A kianga len ve, aw, ka nuam e,
Ka riang emai maw, a tel lo chuan.
Lei anchhedawng phurtu Rairahte,
Ka u, ka u, min han thlir la;
Duhthu kan sam dun ramah ka leng a sin,
Rahte, Rahte, lo haw rawh,
I nauin sial ka talh ang che;
I u leh nauten thi leh dar kan pe ang che,
Ka u Liandova tan darkhuang a ri e.
21 Sept 2021
SHARE
Author: Four Brothers' Mizo lyrics verified_user
Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India
0 comments: