Pawi zawng zawngah

Phuahtu: Lalbiakhnaia
Satu: F. Lalngaihzuala, G. Sangliana, Lalbiakhluni Colney

Pawi zawng zawngah, aw, a pawi ber mai!

Dar ang kan intawn a tlai e,
Ngaihlai enchimloh di lungrun;
Nang nen runhmun nuama len dun a rem si lo,
Ngai chunga inthen a tul ta si.

Eng ngan hmanah dar ang kan intawn loh,
Lanu val kan chanlai ni zawng te khan,
Nang nen bawihte kumtluanga kan inthen tur hi,
Pawi zawng zawngah, aw, a pawi ber mai.

Nang nen kan intawn a tlai lua,
Kan lenlai ni zawng rual mahse;
Pawmlai di leh hraichawi leng nen kan leng sia,
Nang pawn hraiduh leng i chawi tawh si.

Kan intawn zawng khua tlai lo se,
In hmangaih leh thlahlel takin;
Nang nen hlimten run chhung zauvah nau ang nuiin,
Lei hringnun pialral kan hmang dun tur.

Chung Khuanu leng ruat loh di maw kan loh nih le?
Pawi zawng zawngah, aw, a pawi ber mai.