Thlarau lo kal la Edena thil hlui

Phuatu: Patea
Satu: Zira Hnamte, Laltanpuii (Atani), Mabiaki Pachuau, Omega Fanai, Zaia Faktute (Tanhril)

Thlarau lo kal la, Edena thil hlui,
A lo ral ang i ram mawi ka thlir ang;
Tin, ka hmu anga ropuina te chu,
Fakna ri thlifim angin a leng ang.

Imanuel, i hmangaih kulh chhungah,
Buainaral a lian e, lo hnai leh rawh;
Lo kal leh ang che, ka himna i ni,
I hmangaih kulh chhungah aw;
Buaina ral a lian e.

Aw, lawmna leh malsawmna ni ropui,
I kawng ralmuangah aw, min hruai zel rawh;
Jordan tuipui lian te chu fawn velin,
Kanaan ram mawi lui ralah ka kai ang.

Thuro angin thlawkin han leng ila,
Ka himna Kalvari mual ka hrut ang;
Tin, chu hmun ka chhuahsan leh hun chuanin,
Lalna-ram ni tla ngai lo ka pan ang.

Aw, ka dam lai ni hi a ral chuan,
Hlimna khawpui tual laiah ka leng ang;
Kalvari thihna zaia faktute,
Lawmna chuai thei tawh lovin ka pawl ang.