Eden huan iang buannel

Phuahtu: T Lalnunzama
Satu: C Vansanga, Lalsangpuii, C Lalremruata

A khi chhaktiang ram dai leng sang laia'n,
Zo bawm thing chhawkhlei par mawi sihtui nen;
Zo ram mawi tura Siamtu hmun ruat,
Leng tin lungkuaitu buannel ram dai.

Chawngtinler leh nghovar lenna an ti,
Than tum val pasalthate rammutna;
Zingpul zathang ha tha an hawnna,
Dairial changa'n kan phal thei lo che.

Buannel ram, aw, sa tin siang lawina,
Vengtu khuavang lasi lanu nen;
Ran hruai khawmna leh thlahtute lenna,
Eden huan iang e, Zofa thinlaia'n.

Ngai ve ang maw, phang lo va inlenna,
Khuangchawi kut ni iang sihtui indawn lai;
In sulhnu lamtual ramdai chang e,
A pawi em e, than tum val vangin.

Nang hmutu te'n i mawi zia hi thuin,
An hril seng lo lunglam i vaih tir e;
Ramdai sira hnawl ni rih mah la,
Van hnuai khuavel i la deng dawn si.