Kir zai i rel si lo

Phuahtu: Alvin
Satu: K. Zonunmawii

Kan nunhlui ka dawn kira,
Mitthlaan i thar leh thin,
Lungrualtea fakhla kan rem nite,
Hrilh a hai nang tel lo va,
Zai vawr zawng a kim thei lo,
Thinlai a na mittui reng a hul thei lo.

I sulhnu ka thlir changin,
Lunglai aw a zing leh thin,
Lo kir leh zai reng aw i rel si lo,
Hlimna min  thlen tu ber khan,
Tahna chauh min thlen ta si,
Hriatthiam a har ti maia min liam san hi.

Van khawpui awi tawh turin,
Lapa'n a ko ta che maw?
Chatuana Ama tan fak hla saan,
Natna reng a awm tawh lo,
Khawvel reng a ngai tawh lo,
Hlim leh lawmin chhandamtu a fak tawh ang.