Nuih mawi nang nen

Phuahtu: Valzotea
Satu: C. Vansanga, Robert Lalduhzuala, Zonuna

Mahriak awmhar tinkim dawn changin,
An awm hlawl lo thinlai hnemtu;
Tuan tul dawn lo renga dawn pawhin,
Ankanem nang lo chu min hnemtu.

Nuih mawi nang nen lendun hi rem ve se,
Ka duhaisam kim ve nan.

An sawi tleitir sakhmel sensiari,
Damte'n leng la Khuanu zarah;
Uai lo tea vullai i sakhmelmawi,
Hawilopar iang ka tan vul reng rawh.

Buan ang pawma thutin di hlanin,
Engdang ngai lo tea len ve hi;
Rem ve se thinlai ruk dam ve nan,
Chuailopar iang ka tan vul zel rawh.

Engtin lo ngai ve che maw?
Nuih mawi nang nen lendun hi rem ve se;
Ka duhaisam kim ve nan,
Ka duhaisam kim ve nan.