8 Nov 2021

A va nuam dawn em

Phuahtu: Chuansanga
Satu: Lalmuanawmi (Muantei)


Zion khawpuia leng zawngte chuan,
Ka dam lo ve an ti tawh ngai lo'ng;
He lei hringnun hi kan pelh hunah,
Keini pawh chu ramah kan leng ve ang.

Thuthlung vanga kan chan tur ram chu,
Angel, Serafte tual an chaina;
Chinghnia leh beramnote an len za na ram,
Aw, Haleluiah! Amen! a va nuam dawn em!


Hmangaihna romei a zam kai chiai e,
Hmangaihte hmel mawi a lo lang e;
Kan damlai ni thlana kan pelh hunah,
Sirva ianga thlawkin kan leng tawh ang.

Thuthlung vanga hrehawm tuarte u,
Chhel takin, aw, i kal zel ang;
Hrehawm kan tawrh ni a rei tawh lo'ng,
Van Jerusalem thar mawi a lo lang dawn ta.

Khawvel ropuinain min chim phak lo,
Thlarau lam hla nen zai kan vawr e;
Khawvel mita thlir ten an hrethiam lo,
Thlarau atang lo chuan hriatthiam phak a ni lo.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: