Phuahtu: Rev. K.M Lalfakzuala
Satu: F. Lalthangmawii
Hlim leh muangin ka lo awm,
Ka kawng zawh chhut ngun lo vin;
Mangang leh lungngaihnain min chim pil ta,
Chhanchhuak tu ka va ngai em.
Tunah Lalpa, i hnen ka rawn pan e,
Nangin min lo pawmin min lo hliahkhuah la;
I khawngaih ban ka rawn vuan,
Lalpa, min hnar suh ang che,
I kiangah min chen tir awh.
Hun leh ni tam a liam ta,
I tan thawh reng nei lo vin;
Tlanna thisen luang reng ka dawn ngai lo,
Lalpa, min ngaidam ang che.
Thisen hlu, kraws thisen hlu,
Ka damna, thiam ka channa;
Kalvari tlangah min hlan, min chhandam ta,
Min silfai, min ti thiang ta.
Hun tha min neih tir leh rawh,
I tana do ve turin;
Ka hun hlute i tan chauh ka hlan tawh ang,
Lalpa, min siamthar leh rawh.
9 Nov 2021
SHARE
Author: Four Brothers' Mizo lyrics verified_user
The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India
0 comments: