9 Nov 2021

Kraws ram reh

Satu: Melody Zothansangi

Jerusalemah siang ang a lawi ni chuan,
Mipuiten lawmin an Lal an hmuak;
"Hosana! Lalpa hminga lo kal chu,
Fakin awm rawh se," tiin an au.

Chawimawina authawm a reh ta,
"Khengbet rawh," tiin mipui an au ve;
Kraws Pathian hnuchhawn ramah chuan,
A hnungzuitute khaw nge an awm tak le?


Aw Ka pa, he no hian min pel lul rawh se,
Tia a lungngaia a kun lai khan;
Venpuituten an Lal an muthilh san ta maw,
Malin lungngaihna an tuar tir maw?

"Ka Pathian engah nge, engah nge min kalsan,"
Tia kraws lera a au lai khan;
Rinawma a hnungzuitute khaw nge an awm?
Kraws ram reh malin an fantir maw?

Lawmna ka tawnte hi ral lo vin vul reng se,
Ka Lal tuarna ka hre phak ngai lo'ng;
Kraws ram reh atana kawng a lo zawh chu,
Malin ka Lal zawh tir lo'ng e.

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: