Tanrual hi chakna (MZP Hla)

Phuahtu: Benjamin Lalthlamuana
Satu: K Lalthlamuankimi

Kan lenna vangkhua kan Zoram nuamah,
Thiam zirna run kan bel Zofaten;
Kan thiam, kan theih, kan finna zawng zawngte,
Zoram tan hlanin pheilai kan khai e.

Chung Pathianin min hualhim zel ang a,
Eiruk, hlemhletnate sirah hnawlin;
Zoram dung leh vangah dikna, felnate,
Luipui angin a luan zel theih nan,
Kan bei zel dawn Zirlai Pawl te'n,
Hei hi kan thupui "Tanrual hi chakna a ni."

Kan ngai bil lo zirna run sang ramdang,
Thlang sappui leh kawrvai zirlaite;
Kan chawi sang dawn Mizo hnam khuavela'n,
Kan sakhming ngei pawh - Mizo Zirlai Pawl.

Chhel tak leh huai takin kan bei zel dawn,
Kan ram leh hnam a than zual zel nan;
Kan lam atang Imanuela chuan min awmpui,
Min vengin min hruai zel ang.