Zam lo'ng aw

Phuahtu: C Lalhmachhuani
Satu: K Lalthlamuankimi

Doral leh mihrang hmaah zam lo'ng aw..

Zotlang sang tukloh ram chuanin ka thlir,
Zoram nuam, i mawi hluan e, ramdang chhing zo ka rammawi;
Chhitmit atlai hram thiam zoawitu berhva nen,
Tlang sap leh kawr vai ram reng ka ngai bil lo.

Aw Zoram, vang khaw zauah mawi mah la,
Doral lian ram hmelma thuam ang do lo va;
Run chhung bela laikhum i zal mai chuan e,
Chim ral hnam, tho leh ngai lo i ni ang.

Lanu leh chhuihthangval huaisen zawng zawngte u,
Tho ang u, kan ram mawi humhalh, cheimawiin;
Khua kan la tlai nem aw, hmangtiang sawn Zofaten,
Doral leh mihrang hmaah zam lo'ng aw.

Lungrualtea kan thlan, ram rorel sang luah zawngte,
Dawh rem run sang zauah duhthusam lo vin;
Hmatiang sawn phei lai khaiin vangkhua leh ramdaiah,
Lo pen chhuak r'u, ramdang rual khum turin.