Bethlehem kawng zawhin

Phuahtu: Benjamin Thantea
Satu: Sawmtea Chhangte, PC Vanlalhriati (Tenu-i), Angaihtei Hnialum, S Ruattea, Benjamin Thantea, Andrew Duata

Kan nghah Krismas hun a lo her chhuak leh ta,
Keini ringtu tan ni ropui, hun lawmawm chu;
Hlimin zai rawh u, lawmin lam rawh u,
Chanchin tha a thleng tawh si,
Fakna thawm ri khawvel thang chhuak rawh se.

"Chungnungberah Pathian ropui takin awm zel rawh se,
Lei chunga a lawm em em mihringte hnenah,
Remthu leng rawh se," tiin zai an rem.

Van ropuina leh Lal thuthleng kalsanin,
Ran chaw pekna thlengah a piang Lal Krista chu;
Min hmangaih vangin, min khawngaih vangin,
Bethlehem kawng chu zawhin,
Hrehawm tinreng a tuar maw Lal Isuan.

Nau piang thar Isua hmutute lawmin an khat,
Lalpa chu an fak an neih ro thil hlu an pe;
An zawh kawng ngai chu an zawh let tawh lo,
Lalpa thu angin an kal,
Ringtute hian an hniakhnung chu zuiin.

Zun ngaih tuarte leh phurrit phur in awm em?
Kan nghah ni ropui chhandamtu pianchamah hian;
Amahah nghatin, amahah chawlin,
Hlim takin hun i hmang ang,
Kan Lal Krista duh ber zawk chu a ni.