Lal Jehova

Satu: Krista Thuhretute

Jehova Shammah - Lalpa chu kan hnenah a awm a,
Khawvel hringnun lungngaih, buaina chhumpui zing mahse,
Kan hlau lo, kan hlau lo, in hnenah ka awm zel ang a ti.

Jehova Shalom - Lalpa chu remna leh thlamuanna,
Khawvel indo buai leh thlaphanna karah lengin;
Rem muanna, rem muanna min pe, "Thlamuangin awm r'u" a ti.

Omni, Omnipresent - Lal Imanuela,
Omni, Omniscient - Lal engkimhriaa chu,
Omnipotent - Lal engkimtitheia,
Ropui rawh se, Halelluiah! Halleluiah! Amen!

Jehova Raah - Lalpa chu min vengtu a ni a,
Khawvel hringnun damlai kawng chhuk chho kal mah ila,
Min vengtu, min vengtu Lalpa a ni kan thlaphang lo vang.

Jehova Jire - Lalpa tlangah ngaihtuah a ni ang,
Khawvel mite hian thiamna leh finna ring mahse;
Ka Lalpa, ka Lalpa intumchawpna tlangah ka ding ang.

Jehova Nissi - Lalpa chu kan hnehna a ni a,
Khawvel thlemna thlipui leh tuifawn karah pawh hian,
Kan hneh ang, kan hneh ang, "Keiin khawvel ka ngam ta" a ti.

Jehova Tsidkenu - Lalpa chu kan felna a ni a,
Khawvel hringnun sual lungngaihna ram atang hianin,
"Lo kal r'u, lo kal r'u, sual ritphur ka chhawk ang che u" a ti.

Jehova Rapha - Lalpa chu kan damna a ni a,
Natna, sual phuar vanga lungngaih leh thlaphang zawngte,
Lo kal r'u, lo kal r'u, damna tui Kalvariah a luang e.