Rawngbawltu inhlanna

Phuahtu: Lallianmawia Tlau
Satu: Mizoram Synod Choir

Kei chak lo tanpui ngai, I rawngbawl min phal hi,
Engtizia nge Lalpa? A va mak em!
Aw, thiamna, finnaa khaikhin tur ni ila,
Min thlang angem? I khawngaih vang a ni.

Tawmkai lo leh chak lo min hmang ve mai hi,
A va mak em! A va ropui em!
Aw, theihtawp chhuah turin I angchhung ka rawn bel,
I thlarau thianghlimin min hruai ang che.

Kraws put tur chu a awm i rawngbawl zel turin,
Tuar pumpelh rawngbawlna a nung thei lo;
Aw, kei I chhiahhlawh tangkaia awm turin,
Ka thawk anga hrehawm pawh huam zelin.

I thlarau thianghlimin min chhungkhat la,
I ram tana tangkaia thawk turin;
Lallukhum chang turin theihtawpa i rawngbawl turin,
Mi hruai ang che Lalpa.