28 Mar 2022

Chatuan khawvarna ram

Phuahtu: H Lalrinawma
Satu: Lalthazuali (Thatei), General PYD Choir


He khawvel hlimlai nite hi phul pangpar angin a chuai thin,
A ropuina leh a mawina zawng zawngte;
Hlimthla angin an thlawk bo leh thin,
Hringnun par vul lai nite pawh chuaiin mual an liam thin,
Hmangaih lenrual lungduhten mual an liama,
Lei hrehawmah hian, Lalpa, i ram ka ngai mang e.

Ka va ngai em, ka va ngai thin em,
Hun leh kum bite an chawlhna ram nuam chu;
Chatuan khawvarna ram hmangaih lungduhte kimna,
Hlimna ni eng mawi chuaini a nei tawh lo,
Luipui luang ri rehna ramah ka chawl ang.

Ni hnuaia thil awm zawngte hi engmah lo mai an ni e,
Tupawh he tui in chu an tuihal leh ang;
Chawlhna daihlim a lo awm si lo,
Ka nunna hian chhandamtu nangmah chauh angai thin che,
Ka thla vakvai nun tuihal min hnemtu,
Damna tuinung lui Lalpa, aw, ka van han ngai che em.

Hringnun khawvel kumte hi rei lote atan a lo ni,
Chhum rei lote langa ral leh ang mai;
Hun leh tuiluangin chawlh zai a rel ngai lo,
Kum reilote ral hunin khawvel hringnun pelin,
Kir leh ngai tawh lohna kawng ka zawh dawn si,
Dam chhung nite chhiar dan, Lalpa, nangin min zirtir ang che.

Hmangaih lenrual hluite khan fam rihsang an kai zo ta,
An damlai hringnun thawnthu angin a tawpa;
Lei khawharah hian an thamral zo ta,
An sulhnu ramrehah hian khawharin ka chau thin,
An hringnunte kha ngaihni a bang thei lo,
Kir an rel lo maw Lalpa, aw, ka va han ngai thin em.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: